لاقصاء القتلة من اللعب

يمكن اني بش نعاود نقول الكلام الي قاعد يتقال عندو تلاثة ولا اربعة ايام توا اما ما نجمش نسكت
الهم طفطف على قلبي
حزينة حزينة حزينة على الطفل هشام
واحد مزال ما هضمش الحكاية يسمع بمصيبة اخرى
طفل اخر يتكرتش
طفل اخر يخطفولو حياتو خاطرو حب يتكلم
حب ياكل
حب يخدم
حب يعيش
ام اخرى تبكي و تندب على ولدها الي هزوهولها
قصفوهم في عز شبابهم
غناية خوذ البسيسة عمرها ما اثرت فيا كي البارح

يا عمدة ما تهزوهولي

وحنا فين ؟